Путин аввалроқ Зеленский учрашувга тайёр бўлса, Москвага келиши кераклигини айтган эди. Зеленский бу таклифни рад этди, бироқ бунга қарама-қарши тарзда “ҳар қандай форматда” учрашувга тайёр эканлигини айтди. Бу борада Россия етакчисининг матбуот котиби Дмитрий Песков таъкидлаганидек, Путин Зеленскийни таслим бўлганини қабул қилиш эмас, балки Москвага музокаралар учун таклиф қилган.
“Биз барчамиз, барча жамоаларимиз Туркия, Саудия Арабистони, Қатарда, Австрия, Швейцария каби нейтрал Европада учрашув ўтказишни таклиф қилдик... агар хоҳласангиз, масалан, Қозоғистонда”, деди Зеленский Американинг Fox News телеканалига берган интервьюсида.
Бошловчининг аниқлик киритиш учун берган саволига жавобан Зеленский Россия раҳбари билан учрашишга тайёрлигини тасдиқлади, деб хабар берди ria.ru.
