Ҳомиладор аёлларни эмлаш мумкинми? Йўқ. Бунинг сабаби, вакцинанинг ҳомиладор аёлларга таъсири клиник синовларда ўрганилмаган. Шунинг учун, эмлашнинг охирги дозасидан кейин 3-6 ой ичида ҳомиладорликни режалаштирмаслик тавсия этилади.
Aнтитаначалар қанча муддат сақланиб қолади? Бутун дунёда бўлгани каби, ушбу мавзу бўйича тадқиқотлар давом этмоқда. Aнтитаначалар 1 йилдан 2 йилгача сақланиб қолади деб тахмин қилинмоқда.
Эмлашдан кейин касалланиш ҳолатлари бўлганми? Ўзбекистонда антитаначалар ишлаб чиқилганидан кейин, яъни учинчи доза билан эмлангандан 20-25 кун ўтгач, касалликка чалиниш ҳолатлари рўйхатга олинмаган.
Вакцина янги штаммлардан ҳимоя қиладими? Тадқиқотларга кўра, ZF-UZ-VAC2001 Бразилия, Британия, Жанубий Aфрика, Ҳиндистон ва яқинда аниқланган Калифорния штаммларидан ҳимоя қилиши мумкин.
Ушбу вакцина билан Ўзбекистон ва Хитойда қанча одам эмланган? 9 июль ҳолатига кўра, Ўзбекистонда 3,2 миллиондан ортиқ дозадан фойдаланилган, Хитойда эса 90 миллиондан ортиқ одам ушбу вакцинани олган.
