Франция футбол федерацияси ва мамлакат терма жамоаси бош мураббийи Дидье Дешам ўртасидаги шартнома жорий йилнинг декабрь ойида якунига етади. Қатарда ўтадиган жаҳон чемпионатидан сўнг терма жамоани Зинедин Зидан бошқариши мумкин. Бу ҳақда Libertad Digital хабар тарқатди.
Хабарда айтилишича, Зидан 2021 йилнинг май ойида “Реал”дан кетгач, ПСЖ ва “Манчестер Юнайтед” билан музокара олиб борган. Бироқ у Франция термасини бошқаришни орзу қилгани учун ФФФдан таклиф кутган. Ниҳоят таклиф бўлган ва Франция футбол федерацияси ҳамда Зидан ўртасида келишувга эришилган.
