Бино ба маълумоти Вазорати корҳои хориҷӣ, тибқи муқаррароти шартномаи байналмилалии дар боло зикршуда, Созишнома аз 1 июни соли 2025 эътибор пайдо мекунад.
Созишнома масоили марбут ба сафари бидуни раводид миёни шаҳрвандони Ӯзбекистон ва Чин ба қаламравҳои ду кишварро танзим мекунад.
Тибқи созишнома, шаҳрвандони давлатҳои ҷонибҳо барои вуруд, хуруҷ ё транзит аз қаламрави ду кишвар ба мӯҳлати будубоши ҳар кадоми онҳо на бештар аз 30 рӯз ва ба мӯҳлати на бештар аз 90 рӯз дар ҳама гуна давраи 180 рӯз аз раводид озод карда мешаванд.
Дар ин маврид мӯҳлати ҳар як вуруд ва будубош дар қаламрави давлатҳои ҷонибҳо набояд аз 30 рӯз зиёд бошад.
Агар шаҳрвандонро барои зиёда аз 30 рӯз мондан лозим ояд, онҳо бояд раводиди вурудро пешакӣ гиранд.
Режими бидуни раводид ба кор, таҳсил ва фаъолияти медиавӣ, инчунин ба дигар намудҳои фаъолияте, ки розигии пешакии мақомоти салоҳиятдори ҷониби дигарро талаб мекунанд, татбиқ намегардад.
Барои маълумот, Созишномаи мазкур ба сафарҳо ба минтақаҳои махсуси маъмурии Гонконг ва Макао дар Ҷумҳурии Мардумии Чин татбиқ намегардад.
