Ин ҳамоиш дар чаҳорчӯби Ҷаласаи машваратии сарони кишварҳои Осиёи Марказӣ дар Душанбе ва ҷаласаи навбатии Шӯрои сарони давлатҳо – муассисони Хазинаи байналмилалии наҷоти Арал баргузор мешавад.
Дар ин ҳамоиш раҳбарони вазоратҳои марбутаи Қазоқистон, Тоҷикистон, Туркманистон ва Ӯзбекистон ширкат хоҳанд кард.
Дар форум пас аз ҷаласаи умумӣ 3 ҷаласа дар мавзӯҳои «Табодули таҷриба ва дурнамои ҳамкориҳои кишварҳои Осиёи Марказӣ дар соҳаи иқтисодиёти рақамӣ, ҷорӣ намудани низоми ҳукумати электронӣ дар кишвар», «Таҷриба ва дурнамои ҳамкории кишварҳои Осиёи Марказӣ дар соҳаи инноватсия» ва «Табодули таҷриба ва муайян кардани дурнамои ҳамкориҳои кишварҳои Осиёи Марказӣ дар соҳаи тиҷорати электронӣ ва рақамикунонии хизматрасониҳои давлатӣ» баргузор мегарданд.
