Тибқи иттилои сафорати Ӯзбекистон, Иёлоти Муттаҳида беподош 3 миллион доза ваксинаи зидди коронавируси ширкати "Moderna"-ро ҷудо намудааст.
Тибқи маълумоти Маркази назорат ва пешгирии бемориҳои ИМА (CDC), ваксинаи ширкати Moderna метавонад сирояти COVID-19-ро бо 94 фоиз самаранокӣ пешгирӣ кунад. Раёсати назорати санитарии сифати хӯрокворӣ ва доруҳои ИМА (FDA) ваксинаи Moderna-ро барои пешгирии COVID-19 дар одамони 18-сола ва аз он болотар тасдиқ кард. Ваксинаи мазкур ҳамчун тазриқи дохили бофтаҳои мушак дода мешавад. Курси эмкунӣ аз 2 воя иборат аст, ки дар фосилаи як моҳ гузаронда мешаванд.
Дар тафовут аз доруҳои ширкатҳои дорусозии Pfizer ва BionTECH, Moderna ваксинаеро пешниҳод мекунад, ки онро дар ҳарорати муқаррарии яхдон нигоҳ доштан мумкин аст, ки имкони содда гардондани тақсимоти минбаъдаи онҳоро дар тамоми минтақаҳои Ӯзбекистон фароҳам меорад.