Сафар бо анҷоми кори нек – зиёрати мақбараи Баҳоуддини Нақшбанд оғоз ёфт. Оятҳо аз Қуръон қироат карда, бо дархости сулҳу оромӣ ба мардуми мо дуо хонда шуд.

Бо ташаббуси Сарвари давлат маҷмаа боз ҳам ободу зебо гардида, симои таърихии он барқарор карда шуд. Дар рафти зиёрат Президент корҳои иҷрошударо аз назар гузаронд.

Пеш аз ҳама, гузаргоҳи таърихие, ки аз дарвозаи Тоқи Миёна ба сӯи мақбара мебарад, барқарор карда шуд. Акнун зиёратчиён ба мақбараи Баҳоуддини Нақшбанд мувофиқи суннат аз ҷониби "қибла" мераванд.

– Таҷдиди дарвозаи сад сол пеш вайроншуда, таҷассуми худшиносиву эҳтироми мо ба таърих аст», – гуфт Шавкат Мирзиёев. – Ҳоло дар ҳар як ёдгории ин ҷо, дар сари қабри хонҳо бояд навиштаҷот гузошт. Кореро бояд анҷом дод, то ки зоирон қадам ба қадам таърихро омӯхта, қувваи маънавӣ гиранд.

Дар ду тарафи дарвозаи Тоқи Миён боғҳо доман густурдаанд. Музей ва иншоот барои таҳорат сохта шуд. Мадрасаи «Дониёлбий», ки дар арафаи нобудшавӣ қарор дошт, барқарор карда мешавад.

Ҳангоми суҳбат бо олимон масъалаҳои амиқ омӯхтани мероси Баҳоуддини Нақшбанд баррасӣ шуданд. Таъкид гардид, ки бояд аз кишварҳои дигар манбаъҳо оварда, таҳқиқотҳои илмиро дастгирӣ карда, осорхонаро ба мисли маҷмааи Имом Бухорӣ ғанӣ гардонд.

Ҳамчунин оид ба васеъ гардондани қулайиҳо барои зоирон, аз ҷумла сайёҳони хориҷӣ, фароҳам овардани шароит барои истиқомати бароҳат дар ҳар фасли сол дастур дода шуд.

Ба шахсони масъул супориш дода шуд, ки бо назардошти пешниҳодҳои олимон қарорро омода кунанд, ки ин масъалаҳоро фаро мегиранд.