Дар ҷаласа намояндагони Ӯзбекистон, Арманистон, Белорус, Қазоқистон, Қирғизистон, Русия, Тоҷикистон, Туркманистон ва Кумитаи иҷроияи ИДМ ширкат доштанд. Намояндаи Озарбойҷон ба сифати нозир иштирок дошт.
Иштирокчиёни машварат масъалаҳои ҳамоҳангсозии фаъолияти кишварҳои узви ИДМ дар ЮНЕСКО, аз ҷумла ташаббусҳои муштаракро дар ин платформа баррасӣ карданд. Дар бораи натиҷаҳои сессияи 219-уми Шӯрои иҷроияи ЮНЕСКО, таҷрибаи таъсис ва ташкили кори барномаи ЮНЕСКО ва кумитаҳои минтақавӣ мубодилаи афкор барпо гардид. Масъалаи тайёрӣ ба сессияи 46-уми Кумитаи умумиҷаҳонии меросро баррасӣ гардид.
Ба мавзӯи таҳкими ҳамкорӣ дар форматҳои шабакаҳои ЮНЕСКО (мактабҳои алоқаманд, кафедраҳо, мамнӯъгоҳҳои биосфера, геопаркҳои глобалӣ, шаҳрҳои эҷодӣ ва омӯзишӣ) таваҷҷуҳи махсус зоҳир карда шуд.
Иҷрои муқаррароти Конвенсияи Гаага оид ба ҳифзи моликияти фарҳангӣ дар ҳолати даргириҳои мусаллаҳона, ки 70-солагии он соли 2024 таҷлил мешавад, баррасӣ мешавад.
Иштироккунандагони машварат қарор доданд, ки амалияи гузаронидани машваратҳо аз рӯи мавзӯи ҳамкории байниҳамдигарӣ дар доираи ЮНЕСКО давом дода шавад.
