Дар оғози суҳбат сарвари Эрон раҳбари кишвари моро бо пирӯзии боварибахшаш дар интихоботи пеш аз муҳлати президентии Ӯзбекистон, ки як рӯз пеш баргузор шуд, самимона табрик гуфт.
Президенти Эрон ҳамчунин табрик ва саломи раҳбари рӯҳонии Эрон Оятуллоҳ Сайид Алии Хоманаиро расонд. Масъалаҳои татбиқи амалии тавофуқҳое, ки дар сатҳи олӣ дар натиҷаи сафари расмӣ ба Эрон дар моҳи июни соли ҷорӣ ҳосил шуда буданд, баррасӣ шуданд.
Бо қаноатмандӣ гуфта шуд, ки ҷонибҳо ба татбиқи амалии лоиҳаҳои кооператсияи саноатӣ мутобиқи «Харитаи роҳ»-и қабулшуда шурӯъ кардаанд.
Аҳамияти идомаи робитаҳои пуршиддат, аз ҷумла дар сатҳи доираҳои соҳибкорӣ ва маъмурияти минтақаҳои ду кишвар таъкид шуд.
Ҳамчунин доир ба масъалаҳои рӯзномаи минтақавӣ, аз ҷумла ҳамкориҳо дар чаҳорчӯби Созмони ҳамкории Шанхай ва Созмони ҳамкориҳои иқтисодӣ табодули афкор сурат гирифт.
