Президент Шавкат Мирзиёев ва Президент Садир Жапаров ба Эъломия имзо гузоштанд, ки он муносибатҳои дуҷонибаро ба дараҷаи сифатан нави шарикии ҳамаҷонибаи стратегӣ мебарорад.
Дар ҳузури сарони давлатҳо инчунин мубодилаи созишномаҳои имзошудаи байнидавлатӣ, байниҳукуматӣ, байниидоравӣ низ сурат гирифт. Ҳамагӣ 25 ҳуҷҷат ба имзо расид, аз ҷумла:
– Протокол дар бораи табодули грамотаҳои ратификатсионии Шартнома дар бораи қитъаҳои алоҳидаи Сарҳади давлатии Ӯзбекистону Қирғизистон;
– Созишнома дар бораи ҳамкорӣ оид ба ташкили истеҳсоли воситаҳои нақлиёти автомобилӣ ва тиҷоратӣ дар Ҷумҳурии Қирғизистон;
– Барномаи шарикии стратегии тиҷоративу иқтисодӣ барои солҳои 2023-2025;
– Созишнома дар бораи ҳамкорӣ дар соҳаи пешгирӣ ва барҳам додани ҳолатҳои фавқулодда;
– Протокол ба созишнома дар бораи сафарҳои мутақобилаи шаҳрвандон;
– Протокол дар бораи ворид намудани тағйирот ба Меморандум дар бораи таъсиси Шӯрои сарони вилоятҳои наздисарҳадӣ.
Байни вазоратҳо ва идораҳо созишнома дар бораи ҳамкорӣ дар соҳаи кишоварзӣ, энергетика, гумрук, рушди самтҳои афзалиятноки саноат, инноватсия ва тадқиқотҳои илмӣ, дастгирии ҷавонон, инчунин Нақшаи таҷлили 30-солагии истиқрори муносибатҳои дипломатӣ ба имзо расид.
Инчунин барномаҳои маҷмӯгӣ оид ба густариши ҳамкорӣ дар солҳои 2023-2025 байни вилояти Ҷиззах ва вилояти Иссиқкӯл, вилояти Андиҷон ва вилояти Ӯш, вилояти Фарғона ва вилояти Боткан, вилояти Намангон ва вилояти Ҷалолобод ба имзо расиданд.
