Корхонаи таъминоти оби нӯшокӣ истеъмолкунандаро огоҳ накарда, мувофиқи ҳисобҳои минбаъда хонаводаи ӯро 6 миллиону 500 ҳазор сӯм қарздор кардааст.
Дар ин бобат ба сохтори минтақавии Агентии оид ба ҳифзи ҳуқуқи истеъмолгарони вилояти Намангон муроҷиат расидааст. Зимни омӯзиши муроҷиати шаҳрванд муайян карда шуд, ки дар як манзили истиқоматӣ ба шабакаи обтаъминкунӣ оби нӯшокӣ тавассути ҳисобкунаки оби ЛХСД, рақами давлатиаш 127662 расонда шуда, моҳи июни соли 2020 санҷиши муқоисавии ҳисобкунаки об таъин шудааст.
Мувофиқи қарори дахлдор камаш дар 30 рӯзи тақвимии пеш аз ба охир расидани муҳлати маҳдуди истифодабарии ҳисобкунакҳои об ташкилоти ISKX бояд ба истеъмолкунанда мувофиқи тартиби дар шартнома пешбинишуда мактуби огоҳӣ фиристад. Аммо шаҳрвандро огоҳ накардаанд ва баъди муроҷиат кардан моҳи июни соли 2022 ҳангоми тафтиши таҷҳизоти компютерӣ маълум шуд, ки он дуруст кор мекунад. Дар натиҷа маълум шуд, ки аз 228 метри мукааб оби нӯшокии истеъмолшуда қарз надоштааст. Ҳамин тавр, ҳуқуқи истеъмолкунанда барқарор карда шуда, хисобу китоби нав нишон дод, ки қарз ба маблағи 6 миллиону 500 ҳазор сӯм беасос аст.
