Тавре ки Report хабар медиҳад, дар бораи ин масъала роҳбари Қирғизистон Садир Ҷапаров дар мусоҳиба бо Оҷонси давлатии иттилоотии «Кабар» изҳор намуд.

«Ҳар ду тараф ҳангоми мубодилаи заминҳо аз ҳадафҳои стратегӣ роҳнамоӣ нашуданд. Мо танҳо ҳамон қитъаҳоро иваз кардем, ки дар онҳо пайваста низоъҳо рух медоданд», — гуфт ӯ, дар шарҳи санаде, ки 21 феврал бо Тоҷикистон оид ба делимитатсияи марз имзо шудааст.

Ба гуфтаи ӯ, қитъаҳои замине, ки кишварҳо мубодила карданд, ё анклав мебошанд, ё дар марз ба таври пароканда ҷойгир шудаанд.

Президенти Қирғизистон таъкид намуд, ки масъалаи марз бо Тоҷикистон «барои ҳамеша ҳал шудааст».

«Ҳама чиз ҳал шуд, манфиатҳои ҳарду ҷониб ба назар гирифта шуданд. Дар бораи марз ҳанӯз метавон бисёр чизҳоро гуфт. Вале ҳоло вақти он нест. Бигзор ҳама чиз ба анҷом расад, ва он гоҳ мегӯем. Он вақт таърих моро доварӣ хоҳад кард. Ман мутмаинам, ки он ба мо баҳои "аъло" хоҳад дод», — таъкид кард Садир Ҷапаров.