Вай ишора кард, ки Бишкек барои нерӯи барқе, ки Ҷумҳурии Ӯзбекистон интиқол медиҳад, пардохт нахоҳад кард. Пас аз мӯътадил шудани вазъият барқ ба Ӯзбекистон баргардонида мешавад, менависад "Eurasia Today".
Илова бар ин, музокирот дар бораи интиқоли 500 миллион кВт/соат барқ аз Туркманистон ба Қирғизистон ва 2-3 миллиард кВт-соат аз Русия тавассути Ӯзбекистон идома дорад. Қазоқистон инчунин ба Қирғизистон 900 миллион кВт-соат барқро ба шарте ки баъдтар баргардонида шавад, медиҳад.
Тоҷикистон аз 1 октябр ба Қирғизистон дар як шабонарӯз 1 миллион кВт/соат барқ медиҳад.
Қирғизистон бо сабаби кам будани сатҳи оби обанбори Токтогул, ки қисматҳои Ӯзбекистон ва Қазоқистонро бо об таъмин мекунад, дар солҳои охир бо бузургтарин бӯҳрони энергетикӣ рӯбарӯ шудааст. То 1 октябр дар обанбор ҳамагӣ 12,3 миллиард метри мукааб об ҷамъ шудааст, дар ҳоле ки барои зимистони бароҳат 15-16 миллиард метри мукааб лозим аст.
Дар натиҷаи интиқоли барқ ба Қирғизистон аз ҷониби Ӯзбакистон ва кишварҳои ҳамсоя обанбори Токтогул имкон пайдо мекунад, ки барои мавсими обёрии оянда ба қадри кофӣ об ҷамъоварӣ кунад.