Тибқи натиҷаҳои тендер, ширкати туркии "ŞA-RA ENERJĪ Īnşaat, Ticaret ve Sanayi A.Ş." ғолиби озмун оид ба сохтмони хати интиқоли барқи 220 кВ бо дарозии 213 километр бо арзиши пешниҳодшудиа 31,89 миллион доллари ИМА эътироф гардид.
Ҳамчунин, ширкати чинии "Xian Electric Engineering Co., Ltd" ғолиби озмуни сохтмони хати интиқоли барқи 500 кВ бо дарозии 72 километр бо арзиши пешниҳодшудаи 14 миллиону 680 ҳазор доллари ИМА эътироф гардид.
Тибқи иттилои хидмати матбуоти вазорати энергетика, 23 декабри соли 2022 бо ширкатҳои ғолиб гуфтушунидҳо гузаронида шуда, шартномаҳо ба имзо расидаанд.
Лоиҳа аз ҷониби Бонки ҷаҳонӣ маблағгузорӣ шуда, татбиқи он солҳои 2022-2024 ба нақша гирифта шудааст.
Татбиқи лоиҳаи мазкур эътимоднокии таъминоти барқи вилоятҳои Сирдарё ва Тошканд, инчунин шаҳри Тошкандро беҳтар намуда, сарбориро ба шабакаҳои асосии барқии қисми Тошканди низоми энергетикӣ коҳиш медиҳад ва иқтидори онҳоро ба эҳтиёҷоти оянда мутобиқ месозад.
Барои маълумот: Лоиҳаи мазкур мувофиқи қарори Президенти Ҷумҳурии Ӯзбекистон № ҚП-113 аз 3 феврали соли 2022 «Дар бораи тадбирҳо оид ба татбиқи лоиҳаи «Тағйир додани соҳаи барқ ва интиқоли устувори нерӯи барқ» бо иштироки Банки ҷаҳонӣ, инчунин оид ба инкишоф додан ва баланд бардоштани самаранокии системаҳои шабакаҳои электрии магистралии ҷумҳурӣ татбиқ карда мешавад».
