Аз ҷумла таъкид шуд, ки татбиқи лоиҳа бояд барои ҳамаи кишварҳои ширкаткунанда одилона ва судманд бошад. Пас аз он ҷонибҳо созишнома дар бораи “харитаи роҳ” оид ба татбиқи сохтмони НБО Қамбар-Ато-1 ба имзо расониданд, хабар медиҳад хидмати матбуоти Вазорати энергетикаи Қирғизистон.
Ба “харитаи роҳ” оид ба татбиқи сохтмони НБО Қамбар-Ата-1 вазири энергетикаи Қирғизистон Таалайбек Ибраев, вазири энергетикаи Ҷумҳурии Қазоқистон Болат Акчулаков, вазири энергетикаи Ҷумҳурии Ӯзбекистон Ҷӯрабек Мирзамахмудов имзо карданд.
Тибқи иттилоъ, санаи пешбинишудаи мавриди баҳрабардорӣ аз нерӯгоҳи Қамбар-Ота-1 пас аз таҳияи асосҳои техникӣ-иқтисодӣ муайян хоҳад шуд. Аммо ба гуфтаи Таалайбек Ибраев, вазири энержии Қирғизистон, омодагӣ ба сохтмони нерӯгоҳи Қамбар-Ата-1 аллакай оғоз шудааст.
«Мо метавонем бигӯем, ки сохтмони НБО-и Қамбар-Ота-1 барои се кишвари ҳамсоя, бахусус Қирғизистон, судманд аст. Кишвари мо бояд кишваре гардад, ки неруи барқро ворид накунад, балки баръакс содир кунад. Агар мо якҷо бо кишварҳои ҳамсоя Неругоҳи барқи обии Қамбар-Ота-1 созем, он гоҳ дар кишвари мо камбуди назарраси нерӯи барқ аз байн хоҳад рафт. Имрӯз мо харитаи роҳро оид ба татбиқи сохтмони Неругоҳи барқи обии Қамбар-Ота-1 имзо кардем. Тайёрӣ ба сохтмони НБО-и Камбар-Ота-1, сохтмони роҳу купрукҳо, хатҳои электр, майдончаҳои бинокорӣ давом дорад. Иқтидори он 1860 МВт аст», - гуфт вазир.
Ҳайатҳои вакилони Ӯзбекистон ва Қазоқистон аз таъсиси корхонаи муштарак ҷонибдории ҳамаҷониба изҳор намуданд.