Дар оғози вохӯрӣ Р.Давлетов ба меҳмонон оид ба фаъолияти вазорат, тағйироти ахири низоми он ва ислоҳот дар соҳаи адлия ва ҳуқуқ ва аҳамияти ҳамкориҳои дуҷониба дар татбиқи ин ислоҳот маълумот дод.

М.Уолтер ба ислоҳоти дар кишвар дар соҳаи хизматрасониҳои давлатӣ, идоракунии давлатӣ, хизмати давлатӣ ва мубориза бо коррупсия татбиқшаванда баҳои баланд дода, изҳор дошт, ки Барномаи Рушди СММ омода аст ҳамкориҳоро дар ин самт боз ҳам густариш диҳад.

Ҷонибҳо вазъи кунунӣ ва дурнамои ҳамкориҳоро бо таваҷҷуҳи хоса ба лоиҳаҳои самаранок дар соҳаи хизматрасониҳои давлатӣ ва идоракунии давлатӣ татбиқшаванда баррасӣ карданд, хабар медиҳад шуъбаи робита бо ҷомеаи Вазорати адлия.