Дар ин бора вазири корҳои хориҷии кишвар Михай Попшой хабар дод. Ба гуфтаи ӯ, ин ҳуҷҷатҳо дар оғози сессияи нави парлумон баррасӣ хоҳанд шуд, хабар медиҳанд расонаҳои маҳаллӣ.
«Мо аллакай дар марҳилаи мувофиқасозии бекор кардани се созишномаи ИДМ қарор дорем. Инҳо созишномаҳои асосие мебошанд, ки узвияти моро дар ИДМ ташкил медиҳанд, яъне: Оинномаи ИДМ, ки 22 январи соли 1993 дар Минск имзо шудааст; Созишнома дар бораи таъсиси ИДМ аз 8 декабри соли 1991 дар Минск; замима ба ин созишнома аз 22 декабри соли 1991», — гуфт Михай Попшой.
Дар посух ба савол дар бораи он ки ин қарор барои Молдова чӣ маъно дорад, ӯ шарҳ дод, ки ҷумҳурӣ дигар расман узви ИДМ нахоҳад буд, хабар медиҳад kaktus.media.
«Денонсатсияи ин се созишномаи асосӣ ба мо имкон медиҳад, то аз ҷиҳати ҳуқуқӣ эълон кунем, ки Ҷумҳурии Молдова дигар узви ИДМ нест. Дар амал, мо чанде пеш иштирокро қатъ карда будем, аммо аз ҷиҳати ҳуқуқӣ ҳанӯз узв ба ҳисоб мерафтем», — илова кард вазир.
