Фардо, 11 апрел, Президенти Ҷумҳурии Қазоқистон Қосим-Жомарт Тоқаев бо сафари корӣ ба кишвари мо меояд.
Дар доираи сафар дар Бухоро музокироти сатҳи олӣ баргузор мегардад. Дар он масъалаҳои рушди минбаъдаи муносибатҳои дӯстӣ, шарикии стратегӣ ва ҳампаймонии байни Ӯзбекистон ва Қазоқистон баррасӣ хоҳад шуд. Ба масъалаҳои таҳкими муколамаи сиёсӣ, ҳамкориҳои байнипарлумонӣ, байниҳукуматӣ ва байниминтақавӣ диққати махсус дода мешавад.
Инчунин, роҳбарон масъалаҳои афзунсозии ҳаҷми гардиши мол, амиқсозии ҳамкориҳои саноатӣ, пешбарии лоиҳа ва барномаҳои муштарак дар бахшҳои нақлиёт, энергетика, об ва экология, инчунин фаъолсозии мубодилаи фарҳангӣ ва гуманитариро баррасӣ хоҳанд кард.
Аз рӯйи масъалаҳои рӯзномаи байналмилалӣ ва минтақавӣ низ табодули афкор сурат мегирад.
Зиёрати ёдгориҳои таърихӣ, шиносоӣ бо фаъолияти корхонаҳои саноатӣ ва намоиши маҳсулот ба нақша гирифта шудааст.
Имрӯз роҳбари давлат бо корҳое, ки ҷиҳати рушди иҷтимоиву иқтисодии вилояти Бухоро амалӣ мегарданд ва лоиҳаҳои дурнамо аз наздик шинос мешавад.
