Дар ин бора “The Ring” хабар додааст.
Тибқи иттилои нашрия, дар бораи ҷанг “Netflix” ба таври расмӣ эълон кардааст.
Дар тирамоҳ расонаҳои ғарбӣ хабар дода буданд, ки намояндагони Мейвезер ва Пакяо дар бораи ин мубориза музокира мекунанд. Ҳафтаи гузашта Мейвезер, ки имрӯз 49-сола мешавад, бозгашти худро ба бокси касбӣ эълон кард.
"Ман қаблан як маротиба бо Мэнни ҷанг кардам ва ӯро мағлуб намудам. Ин дафъа низ натиҷа ҳамон хоҳад буд", - гуфтааст Мейвезер дар эълони “Netflix”.
Пакяо 19 июл дар Лас Вегас ба ринг баргашт, ки дар он ҷо бо Марио Барриос барои камарбанди қаҳрамонии WBC дар вазни миёна мубориза бурд. Муборизаи онҳо, ки 12-раунд идома ёфт, тибқи қарори аксар бо ҳисоби мусовӣ анҷом ёфт.
Пакяои 47-сола, инчунин 18 апрел дар Лас Вегас бо Руслан Проводников муборизаи намоишӣ мегузаронад.
"Ман ва Флойд ба ҷаҳон бузургтарин муборизаро дар таърихи бокс тақдим кардем. Мухлисон муддати тӯлонӣ интизор буданд - онҳо сазовори ин реванш ҳастанд ва акнун он боз ҳам бузургтар хоҳад буд, зеро он дар саросари ҷаҳон дар “Netflix” мустақим пахш мешавад.
Ман мехоҳам, ки Флойд бо ягона бохти касбии худ зиндагӣ кунад ва ҳамеша дар хотир дошта бошад, ки онро кӣ ба ӯ додааст. Мисли ҳамеша, ман ин муборизаро ба ҳамватанони филиппинии худ дар саросари ҷаҳон ва ба шарафи Филиппин мебахшам", - гуфт Пакяо.
Реванш байни Мейвезер ва Пакяо беш аз 11 сол пас аз аввалин муборизаи онҳо баргузор хоҳад шуд, ки ин муборизаи сердаромадтарин дар таърихи бокс боқӣ мемонад ва беш аз 600 миллион доллар даромад овардааст. Муборизаи деринтизори онҳо барои унвони вазни нимвазн рекордии 4,4 миллион долларро дар тамошои пулакӣ ва беш аз 72 миллион доллар даромади кассавӣ ба даст овард, хабар медиҳад nur.kz.
