Созмони Милали Муттаҳид қайд мекунад, ки ба ҷангалҳои ҷаҳон дарахтбурии ғайриқонунӣ, сӯхторҳои ҷангал, ифлосшавӣ, ҳашароти зараррасон, тақсимшавӣ ва оқибатҳои тағирёбии иқлим, аз ҷумла тӯфонҳои шадид ва дигар ҳаводиси обу ҳаво таҳдид мекунанд.
Тақрибан 2 миллиард гектар замини харобшуда дар ҷаҳон потенсиали барқарорсозӣ дорад. Барқарорсозии онҳо барои ноил шудан ба ҳадафи СММ оид ба зиёд кардани майдони ҷангал то 3 фоиз то соли 2030 муҳим аст. Коршиносони ин созмон муътақиданд, ки ин ҳамчунин ба кишварҳо дар эҷоди ҷойҳои нави корӣ, ҷилавгирӣ аз эрозияи хок, ҳифзи ҳавзаҳои об, коҳиши асароти тағйири иқлим ва ҳифзи гуногунии биологии сайёра кумак хоҳад кард.
СММ омори дигар дар бораи ҷангалҳоро пешниҳод мекунад. Масалан, онҳо қариб 31 фоизи заминро ишғол мекунанд. Дар он зиёда аз 80 фоизи гуногунии биологии сайёра мутамарказ шудааст. Барои бештар аз 1,6 миллиард нафар одамон ҷангалҳо манбаъҳои ғизо, воситаҳои рӯзгор, кор ва даромад мебошад.
Гуфта мешавад, ки 8 май дар Ню Йорк ҷаласаи Форуми СММ оид ба ҷангал оғоз шуд. Вакилони расмии кишварҳо ва намояндагони ҷомеаи шаҳрвандӣ аз саросари ҷаҳон вазъи ҷангал ва масъалаҳои ҳифзи онро баррасӣ мекунанд.