Boeing 737 MAX 8 ҳавопаймои пассажирии борику кузови насли чоруми моделҳои Boeing 737 мебошад.Тафовути асосии он муҳаррики пурқувваттари CFM International LEAP-1B мебошад. Истеҳсолкунандаи ҳавопаймо корпоратсияи амрикоии The Boeing Company мебошад.
Ранг кардани як ҳавопаймо ба ҳисоби миёна 10 рӯзро мегирад. Давомнокии ин корҳо ба мураккабии ливери ва навъи ҳавопаймо вобаста аст.
Айни замон дар ҶММ "UAT" якчанд системаҳои рангубор истифода мешавад. Дар ин ҳолат, ҳавопаймои Boeing 737 MAX 8 тибқи системаи Intermediate Coat Paint System Base Coat/Clear Coat (база + лак), бо истифода аз маводҳои рангубори аз ҷониби Akzo Nobel истеҳсолшуда ранг карда мешавад.
Баъди анҷоми ин корҳо сифати рӯйкаш ва ғафсии он бо асбобҳои махсус санҷида мешавад. Ғафсии стандартии ранг дар ҳавопаймо то 300 микрон аст. Аз ин рӯ, нигоҳ доштани чунин ғафсӣ дар сатҳи азими самолёт ҷараёни мураккаб ва вақтталаб аст.
Баъди аз назорати ғафсии рӯйкаш гузаштан самолёт боз бо равған тоза карда мешавад ва бо хушккунии мобайнӣ ду қабат лак мепошанд. Лак муҳофизати иловагӣ эҷод карда, ҷило мебахшад. Ҳамин тавр зебоӣ пайдо мешавад, ки он на танҳо самолётро намоёну дилкаш мегардонад, балки онро аз таъсири манфии муҳити берунӣ муҳофизат намуда, муҳлати хизмати онро дароз мекунад.
Ба иттилои хидмати матбуоти ширкати ҳавопаймоии «Uzbekistan Airways», пас аз анҷоми корҳои рангубор, ҳавопаймои Boeing 737 MAX 8 бар кашида шуда ва ба фармоишгар супорида мешавад.
