Дар финал дастаҳои миллии Ӯзбекистон ва Эрон рақобат карданд. Дар вақти асосӣ натиҷаи мусовӣ қайд гардид ва таймҳои иловагӣ муқаррар карда шуд. Он ҳам бенатиҷа идома меёфт ва бозӣ ба силсилаи пеналтӣ наздик мешуд. Аммо дар дақиқаи 120-ум, Ҳоҷиакбар Алижонов тӯберо, ки аз паҳлу зада шуд, бо сар ба дарвозаи рақиб даровард.
Ҳамин тавр, дастаи мунтахаби миллии Ӯзбекистон ғолиби “CAFA Nations Cup”-и соли 2025 гардид.
Ба футболбозони ғолиб медалҳои тилло ва ҷомро Президенти кишвар Шавкат Мирзиёев супурд. Дар маросими мукофотонидани футболбозон роҳбари FIFA Ҷанни Инфантино ва дигар шахсони расмӣ иштирок карданд.
Ин мусобиқа барои бозингарони мо, ки ба чемпионати ҷаҳон роҳ ёфтаанд, ҳамчун омодагии ҷиддӣ хидмат кард. Боз як ҷиҳати хуш дар он аст, ки силсилаи бидуни ғалабаи 13-солаи дастаи миллии мо бар зидди Эрон хотима ёфт. Дар бозии нахустини ин мусобиқа дар соли 2023 низ, Ӯзбекистон дар финал маҳз ба Эрон бо ҳисоби 0:1 мағлуб шуда буд.
CAFA — Ассотсиатсияи футболи Осиёи Марказӣ аст. Ҷоми CAFA дар ҳар ду сол баргузор мешавад. Имсол дар мусобиқа дастаҳои миллии Афғонистон, Қирғизистон, Тоҷикистон, Туркманистон, Ҳиндустон ва Умон иштирок карданд.
Бояд гуфт, ки ин мусобиқа аввалин мусобиқаи байналмилалӣ буд, ки дар шаҳраки Олимпии навбунёд баргузор гардид ва барои варзишгарони мамлакат бо пирӯзӣ оғоз ёфт. Дар ин маънои рамзӣ ва ниятҳои нек таҷассум ёфтааст. Бигузор, чунин варзишгоҳҳо ва таваҷҷуҳи рӯзафзун ба варзиш ҳамеша пирӯзиҳоро ба кишвари мо биоварад.
