Дар ҳангоми будубош дар шаҳри Вашингтон Сарвари давлати мо дар Кохи сафед бо Президенти Доналд Трамп гуфтушунидҳои муфид анҷом дод ва дар саммити роҳбарони кишварҳои Осиёи Марказӣ ва ИМА дар формати «C5+1» иштирок кард.
Тавофуқҳо барои таҳкими минбаъдаи муносибатҳои ҳамкории стратегӣ миёни Ӯзбекистон ва ИМА ва ҳамчунин барои рушди ҳамкорӣ байни Осиёи Марказӣ ва ИМА дар формати «C5+1» ба даст оварда шуданд.
Роҳбари давлати мо ҳамчунин бо сенатор Стивен Дэйнс, вакилони Конгресс Кэрол Миллер, Билл Хайзенга ва Сидни Камлагер-Дав мулоқот кард.
Президенти Ӯзбекистон Вазири тиҷорати ИМА Говард Латник, Президенти ва Раиси Эксимбанк Ҷон Йованович, Раиси иҷроияи Корпоратсияи рушди молии байналмилалӣ Бэн Блэк ва ҳамчунин Раиси иҷроияи глобалии ширкати General Motors Шилпан Аминро пазируфт.
Дар доираи барномаи тиҷоратии сафари давлатӣ суҳбати «мизи мудаввар» бо иштироки ҷомеаи тиҷоратии ИМА баргузор гардид.
Бо натиҷаи мулоқотҳо ва гуфтушунидҳо як қатор ҳуҷҷатҳо бо характери дуҷониба ва бисёрҷониба қабул шуданд.
Баъд аз анҷоми барномаҳои сафари давлатӣ Президенти Ҷумҳурии Ӯзбекистон ба шаҳри Тошканд парвоз кард.
