Дар оғози мулоқот вазири корҳои хориҷӣ ба сарвари давлатамон саломи гарму ҷӯшон ва таманноҳои беҳтарини Президенти Эрон Иброҳим Раисиро расонд.
Таъкид гардид, ки созишномаҳои моҳи сентябри соли гузашта дар рафти сафари расмии Президенти Эрон ба Ӯзбекистон бадастомада, барои рушди минбаъдаи ҳамкории бисёрнақшаи ду кишвар асоси мустаҳкам гузошт.
Роҳбари Ӯзбекистон бо қаноатмандӣ фаъол гардидани равобит, афзоиши пайвастаи тиҷорати тарафайн ва таҳкими кооператсияи корхонаҳои пешбарро қайд кард.
Ба масъалаҳои пешбурди ҳамкорӣ дар соҳаи нақлиёт ва логистика, аз ҷумла истифодаи самарабахши бандаргоҳҳои Чобаҳор ва Бандар-Аббос таваҷҷуҳи алоҳида дода шуд.
Инчунин ҷадвали чорабиниҳои пешистода баррасӣ гардида, оид ба мавзӯи мубрами байналмилалӣ мубодилаи афкор сурат гирифт.