Роҳбари давлатро губернатори минтақаи Ломбардия Аттилио Фонтана ва ташкилотчии намоишгоҳ – роҳбари Агентии Sematex Эрнэсто Маурэр ҳамроҳӣ намуданд. ITMA-2023 дар ҷаҳон бузургтарин намоишгоҳи технологияи бофандагӣ ва дӯзандагӣ мебошад, ки дар чор сол як бор баргузор мегардад. Охирон намоишгоҳ соли 2019 дар шаҳри Барселона баргузор шуда буд. Имсол дар кори намоишгоҳ, ки дар ҳудуди 20 гектар паҳн гаштааст, 1700 экспонент аз 47 мамлакати ҷаҳон, инчунин қариб 100 ҳазор меҳмон аз давлатҳои гуногун ширкат менамоянд.
Роҳбари давлат аз девораҳои ширкати ITЕMA (Италия), Staubli group (Шведсария), Picanol ва Vandewiele (Белгия) ва дигар истеҳсолгарони бузурги ҷаҳонии таҷҳизоти калоба ва дӯзандагӣ боздид ба амал овард.
Ҳангоми боздид Шавкат Мирзиёев бо роҳбарони ширкатҳо суҳбат намуда, бо тақдимоти технологии навгониҳои индустрия шинос гардид.
Имконоти роҳандозии барномаҳои муштараки инкишофи дӯзандагӣ, татбиқи лоиҳаҳои нави ҳамкорӣ, маҳаллисозии истеҳсоли таҷҳизоти дӯзандагӣ ва қисмҳои эҳтиётӣ, боз намудани намояндагии ширкатҳо ва марказҳои хидматрасонии дастгоҳҳо дар Ӯзбекистон ва инчунин таҳияи барномаҳои тарбияи технологҳо, роҳандозии ҳамкорӣ дар соҳаҳои илм ва технологияи замонавӣ ва ташаббусҳои дигар муҳокима гардиданд.
Президенти Ӯзбекистон истиқболнокии дар мамлакатамон татбиқ намудани замонавитарин таҷҳизот ва қарорҳои инноватсиониро дар соҳаи коркарди матоъ барои ихтирои «супер-материалҳо»-и бозоргир дар асоси истифодаи васеи робототехника ва зеҳни сунъӣ таъкид кард.
Технологияи нав имкон медиҳад, ки маҳсулоти бозоргир бо арзиши баланди изофа истеҳсол гардад, потенсиали содиротии соҳаи бофандагӣ ба андозаи назаррас афзояд, татбиқи лоиҳаҳо оид ба истеҳсоли таҷҳизот имкон медиҳад, ки ҷойҳои нави кор ба вуҷуд ояд.
Дар поёни тамошои намоишгоҳ ба роҳбарони дахлдор омӯзиши имконоти татбиқи лоиҳаҳои маҳаллисозии таҷҳизот, релокатсияи истеҳсолот ва барномаҳои дар Ӯзбекистон таълимдиҳанда супоришҳо дода шуд.
