Президенти Ӯзбекистон муҳим будани густариши шарикии стратегӣ бо Бонки ҷаҳониро қайд намуд

    Ҳукумат 9 Mart 2023 4926

    Президенти Ҷумҳурии Ўзбекистон Шавкат Мирзиёев 9 март ҳайати Бонки ҷаҳониро таҳти сарварии ноиби президент оид ба минтақаи Аврупо ва Осиёи Марказӣ Анна Берде пазируфт.

    Масъалаҳои мубрами густариши шарикии стратегӣ ва ҳамкориҳои гуногунҷанбаи байни Ўзбекистон ва ва Гурӯҳи Бонки ҷаҳонӣ, инчунин иштироки фаъолонаи ин ниҳоди пешрафтаи байналмилалӣ дар пеш бурдани барномаи ислоҳот дар мамлакати мо баррасӣ шуданд.

    Сарвари давлат дар оғози вохӯрӣ Анна Бердеро бо таъиноти наваш самимона табрик гуфта, ба ӯ дар вазифаи масъулиятнок комёбиҳои зиёд таманно намуд.

    Динамикаи баланд ва самарабахшии ҳамкории амалӣ бо қаноатмандии амиқ қайд карда шуд. Дар солҳои охир портфели лоиҳаҳои муштарак ба таври назаррас афзоиш ёфта, аз 10 миллиард доллар гузашт. Дар ҳамин ҳол, нисфи ҳаҷми маблағгузорӣ дар давраи аз соли 2017 дар чанд соли охир ҷудо шуд буд. Имрӯз Барномаи шарикӣ барои солҳои 2022-2026, ки ба самтҳои асосии Стратегияи рушди Ӯзбекистони Нав асос ёфтааст, қабул гардида, амалӣ карда мешавад. Дар самтҳои мубориза бо камбизоатӣ, трансформатсияи бахши энергетика ва гузариш ба иқтисодиёти “сабз”, оғози хусусигардонӣ, таҳияи стратегияи ҷалби сармояи хориҷӣ, дастгирии соҳаи тандурустӣ ва бисёр дигар пешравиҳои назаррас ба даст оварда шудаанд.

    Ноиби президент азми қатъии Бонки ҷаҳониро дар идомаи дастгирии стратегияи ислоҳоти бебозгашт дар кишвари мо тасдиқ кард.

    Бонк ният дорад, ки нақшаҳои азими мубориза бо камбизоатӣ, таҳияи стратегияи рушд ва маблағгузории лоиҳаҳои тиҷоратӣ, навсозии инфрасохтори деҳот ва шаҳрҳои миёна, шуғли занон ва таҳсилоти касбии ҷавонон ва татбиқи стратегияи тандурустиро то соли 2030 фаъолона мусоидат намояд.

    Ба сифати афзалиятҳои ҳамкорӣ декарбонизатсияи иқтисодиёт ва рушди энергетикаи муқобил, таҳияи нақшаҳои маҳорат дар соҳаи истеҳсол ва интиқоли неруи барқ, барномаҳои баланд бардоштани самаранокии энергия ва режими фаъолияти устувори системаи энергетикӣ дар ҳолатҳои фавқулодда, ҷалби кумаки коршиносон ва маблағгузории лоиҳаҳои гидроэнергетикӣ муайян шудаанд.

    Ба натиҷаҳои чорабинии муштарак бахшида ба муҳокимаи Ҳисоботи кишварӣ оид ба тағирёбии иқлим ва рушди Ӯзбекистон баҳои баланд дода шуд.

    Ба масъалаҳои идомаи корҳои амалӣ дар соҳаи таъмини буҷет, ислоҳоти замин, баланд бардоштани самаранокии маблағгузории соҳаи кишоварзӣ ва хоҷагии об, инчунин тезонидани барномаи хусусигардонии бонкҳо ва корхонаҳои давлатӣ таваҷҷуҳи махсус дода шуд.

    Зимнан зикр гардид, ки барои пешбурди ислоҳот ва лоиҳаҳои афзалиятнок имкониятҳои “Платформаи кишварӣ”-и Бонки ҷаҳонӣ ба таври васеъ истифода хоҳанд шуд.

    Аҳамияти ширкати Бонк дар татбиқи лоиҳаҳои стратегии минтақавӣ, ки ба таъмини субот ва рушди устувор дар Осиёи Марказӣ нигаронида шудааст, таъкид гардид.

    Дар бораи қабули «харитаи роҳ»-и муштарак ҷиҳати суръат бахшидан ба таҳия ва татбиқи лоиҳаҳои афзалиятнок созиш ҳосил шуд.

    No date selected
    May 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates