Сарвари давлати мо нақши Президенти Тоҷикистонро дар таҳкими истиқлолият, таъмини рушди устувор ва боло бурдани нуфузи байналмилалии кишвар махсус таъкид намуда, инчунин саҳми шахсии ӯро дар таҳкими муносибатҳои дӯстӣ, ҳамсоягии нек ва ҳампаймонии байни Тоҷикистону Ӯзбекистон зикр кард.

Зимни суҳбат масъалаҳои мубрами густариши минбаъдаи ҳамкориҳои ҳамаҷониба дар доираи иҷрои созишномаҳои сатҳи олӣ баррасӣ гардиданд.

Ба масъалаи идомаи кори муштарак оид ба ташаккули барномаи нави ҳамкории амалии ду кишвар таваҷҷуҳи махсус зоҳир гардид, ки самтҳои афзалиятноки тиҷорат, ҳамкориҳои саноатӣ, нақлиёт, энергетика, кишоварзӣ, сайёҳӣ ва табодули фарҳангиву гуманитариро дар бар мегирад.

Ҳамчунин ҷадвал ва рӯзномаи чорабиниҳои дарпешистодаи дуҷониба ва бисёрҷонибаи сатҳи олӣ, ки дар кишварҳои мо ба нақша гирифта шудаанд, муҳокима шуд.