Дар оғози мулоқот раиси Парлумони Туркия ба сарвари давлати мо салом ва таманниёти самимии Президенти Ҷумҳурии Туркия Реҷеп Таййип Эрдоғанро расонд.
Масъалаҳои муҳим оид ба таҳкими равобити дӯстона ва шарикии стратегӣ байни Ӯзбекистон ва Туркия баррасӣ шуданд.
Бо қаноатмандии амиқ сатҳи баланди ҳамкории дуҷониба қайд карда шуд. Ҳаҷми муомилоти мол ва сармоягузориҳои муштарак афзоиш меёбад, шумораи лоиҳаҳо ва корхонаҳои муваффақи муштарак зиёд шуда истодааст, хатсайрҳои мустақими ҳавоӣ бештар мешаванд. Чорабиниҳои муҳими фарҳангӣ баргузор мегарданд, ки ба наздикшавии ду давлат ва мардум равона шудаанд.
Ба рушди минбаъдаи робитаҳои байнипарлумонӣ, иштироки фаъолонаи гурӯҳҳои дӯстӣ дар ташаккули рӯзномаи нави шарикии Ӯзбекистону Туркия, тақвияти ҳамкории байниминтақавӣ, инчунин назорати иҷрои созишномаҳои сатҳи олӣ таваҷҷуҳи махсус зоҳир карда шуд.
