Дар оғози суҳбат вазир Рашид Мередов ба сарвари давлатамон саломи самимӣ ва орзуҳои неки Президенти Туркманистон Сердар Бердимуҳамедов ва Пешвои миллии халқи туркман, Раиси Халқ Маслаҳатии кишвар Гурбангулӣ Бердимуҳамедовро расонд.
Масъалаҳои мубрами рушди минбаъда ва таҳкими муносибатҳои дӯстӣ, некҳамсоягӣ ва шарикии стратегии Ӯзбекистону Туркманистон баррасӣ шуданд.
Рушди динамикии гардиши мол, ки дар соли 2024 аз 1,1 миллиард доллар гузашт, бо қаноатмандӣ қайд карда шуд. Минтақаи тиҷоратии сарҳадии Шавот-Дашоғуз якҷоя таъсис дода мешавад. Ҳамкории зич ва мутақобилан судманд дар бахшҳои кооператсияи саноатӣ, энергетика, нақлиёт ва логистика, кишоварзӣ ва хоҷагии об идома дорад. Алоқаҳои байниминтақавӣ ва табодули маданию гуманитарӣ вусъат меёбад.
Аз номи роҳбарияти Туркманистон ба роҳбари Ӯзбекистон барои дар шаҳри Тошканд баргузор намудани тақдимоти китоби нави Гурбангулӣ Бердимуҳамедов «Гавҳари тафаккур», ки ба забони ӯзбекӣ нашр шудааст, миннатдории амиқ баён изҳор гардид.
Ба ташаккули рӯзномаи нави васеъ оид ба шарикии бисёрҷанбаи Ӯзбекистону Туркманистон, омодагӣ ба сафарҳои дарпешистодаи сатҳи олӣ, Мулоқоти машваратии сарони давлатҳои минтақа ва ҳамоишҳо дар формати «Осиёи Марказӣ плюс» таваҷҷуҳи махсус зоҳир гардид.
Аз рӯи масъалаҳои сиёсати байналхалқӣ низ мубодилаи афкор барпо гардид.
