Сарвари кишвари мо роҳбар ва халқи бародари Озарбойҷонро бо рӯйдоди таърихӣ — имзои эъломияи сулҳ миёни Озарбойҷон ва Арманистон, ки рӯзҳои охир дар шаҳри Вашингтон баргузор шуд, самимона табрик намуд.
Изҳори боварӣ карда шуд, ки бастани ҳарчи зудтари созишномаи расмии сулҳ барои таъмини сулҳ, субот ва шукуфоӣ дар Қафқози Ҷанубӣ аҳамияти муҳим хоҳад дошт.
Ҳамчунин масоили мубрами рушди минбаъда ва таҳкими муносибатҳои шарикии стратегии Ӯзбекистон ва Озарбойҷон дар доираи татбиқи созишномаҳои зимни сафари давлатии Президенти Ӯзбекистон ба Озарбойҷон дар моҳи июли соли ҷорӣ ба дастомада баррасӣ шуданд.
Тамосҳо ва мубодилаҳо дар ҳама сатҳҳо идома доранд. Аз аввали сол гардиши мол то 30 фоиз афзудааст. Бар асоси «харитаи роҳ» бастаҳои лоиҳаҳои умедбахши ҳамкорӣ дар соҳаҳои гуногуни иқтисод ташаккул меёбанд. Дар доираи Созишномаи имзошуда оид ба тақсими маҳсулот барои лоиҳаи стратегии соҳаи нафт ва газ корҳои амалии муштарак идома доранд.
Роҳбарон ҳамчунин ҷадвали мулоқотҳо ва чорабиниҳои сатҳи олии дар пешистодаро баррасӣ карданд.
