Дар оғози суҳбат роҳбари давлати мо ҳамлаҳои ҳавопаймоҳои бесарнишин ба қаламрави Озарбойҷонро қатъиян маҳкум намуда, ба осебдидагон шифои зуд орзу кард.
Дар ҷараёни гуфтугӯ махсус таъкид гардид, ки босуръат шиддат гирифтани танишҳо дар рӯзҳои охир дар Ховари Миёна боиси талафоти зиёди аҳолии осоишта гардида, нигаронии ҷиддиро ба вуҷуд меорад.
Қайд карда шуд, ки чунин рӯйдодҳо, ки дар моҳи муқаддаси Рамазон рух медиҳанд, ба арзишҳои умумибашарӣ, меъёрҳои байналмилалӣ ва принсипҳои тамомияти арзии давлатҳо мухолиф мебошанд.
Роҳбари Ӯзбекистон ҳамчунин ба Илҳом Алиев барои чораҳои андешидашуда ва фароҳам овардани шароити зарурӣ ҷиҳати таъмини эвакуатсияи бехатари шаҳрвандони мо аз Эрон тавассути қаламрави Озарбойҷон изҳори миннатдорӣ намуд.
Дар навбати худ Президенти Озарбойҷон барои суҳбати дӯстона ва дастгирӣ дар чунин давраи душвор ба роҳбари давлати мо изҳори сипоси махсус кард.
