Президенти Ҷумҳурии Ўзбекистон Шавкат Мирзиёев 16 сентябр дар шаҳри Душанбе бо Сарвазири Ҷумҳурии Исломии Покистон Имрон Хон музокирот гузаронд.
Масъалаҳои татбиқи амалии созишномаҳо оид ба рушди ҳамкории бисёрҷонибаи Ӯзбекистону Тоҷикистон, ки дар рафти ҳамоиши роҳбарони мамлакатҳоямон дар шаҳри Тошканд моҳи июли соли ҷорӣ ба даст омаданд, баррасӣ гардиданд.
Зикр гардид, ки аз аввали сол ҳаҷми тиҷорати дуҷониба 2,5 баробар афзуда, зиёда аз 30 корхонаи нави муштарак таъсис дода шудааст. Ҳаракати нақлиёти ҳавоӣ байни Тошканд ва Лоҳур барқарор карда шуд.
Муҳимияти кори минбаъдаи муштарак оид ба фароҳам овардани шароити мусоид барои тавсеаи табодули судманди тиҷоратӣ таъкид шуд. Сухан пеш аз ҳама дар бораи зудтар қабул кардани шартнома оиди тиҷорати имтиёзнок, иҷрои қоидаҳои созишнома дар бораи муносибатҳои транзитӣ ва тиҷоратӣ, татбиқи лоиҳаҳои сармоягузорӣ дар бахшҳои мухталифи иқтисод тибқи "харитаи роҳ" -и қабулшуда меравад.
Дар рафти мулоқот оид ба вазъи минтақа дар заминаи вазъи кунунии Афғонистон табодули афкор сурат гирифт. Дар бораи идома додани ҳамкории зич дар масъалаҳои таъмини амнияти минтақавӣ созиш ҳосил шуд.
