Масъалаҳои муҳими густариши минбаъдаи муносибатҳои дӯстӣ, шарикии стратегӣ ва иттифоқчигӣ дар доираи иҷрои созишномаҳо дар сатҳи олӣ баррасӣ шуданд.
Дар оғози суҳбат сарони давлатҳо якдигар ва мардумони бародарро бо фарорасии иди муқаддаси Рамазон самимона табрик гуфтанд.
Бо қаноатмандии амиқ сатҳи баланди ҳамкориҳои бисёрҷанбаи ӯзбекистонию тоҷикистонӣ таъкид гардид.
Муомилоти мол дар соли 2024 аз 700 миллион доллар гузашт. Лоиҳаҳои ҳамкорӣ дар соҳаҳои саноат, энергетика, электроника, нассоҷӣ, кишоварзӣ ва дигар бахшҳои афзалиятнок бомуваффақият амалӣ шуда истодаанд. Равобити байни минтақаҳо ва мубодилаи фарҳангию гуманитарӣ фаъолона ҷараён дорад.
Аҳамияти таҳияи тадбирҳо барои тезонидани лоиҳаҳои муштараки ҳамкориҳои амалӣ дар ҷараёни ҷаласаи ояндаи Комиссияи байниҳукуматӣ таъкид гардид.
Роҳбарон ҳамчунин оид ба масъалаҳои рӯзномаи минтақавӣ, аз ҷумла баргузории ҳамоишҳои бисёрҷонибаи дар кишвари мо пешбинишуда мубодилаи афкор карданд.
