Бо даъвати Президенти Ҷумҳурии Ӯзбекистон Шавкат Мирзиёев Сарвазири Ҷумҳурии Исломии Покистон Шаҳбоз Шариф 25-уми феврал бо сафари расмӣ ба кишвари мо омад.
Дар Фурудгоҳи байналмилалии «Тошканд» меҳмони олиқадрро Сарвазири Ҷумҳурии Ӯзбекистон Абдулло Арипов ва шахсони дигари расмӣ пешвоз гирифтанд.
Ба ифтихори меҳмони олиқадр парчамҳои давлатии ҳар ду кишвар барафрохта шуда, қаровули фахрӣ саф орост. Баъдан, ҳайати Покистон ба боғи «Ӯзбекистони Нав» рафт.
Президенти Ҷумҳурии Ӯзбекистон Шавкат Мирзиёев ва Сарвазири Ҷумҳурии Исломии Покистон Шаҳбоз Шариф дар форуми тиҷоратии Ӯзбекистону Покистон иштирок карданд.
Дар мулоқот бо намояндагони воситаҳои ахбори омма Президенти Ҷумҳурии Ӯзбекистон Шавкат Мирзиёев ва Сарвазири Ҷумҳурии Исломии Покистон Шаҳбоз Шариф андешаҳои худро дар бораи музокироти баргузоршуда баён карданд.
Дар натиҷаи музокироти баргузоршуда Президенти Ҷумҳурии Ӯзбекистон Шавкат Мирзиёев ва Сарвазири Ҷумҳурии Исломии Покистон Шаҳбоз Шариф Эъломияи муштарак ва Протокол дар бораи таъсиси Шӯрои дуҷонибаи шарикии стратегӣ дар сатҳи олиро ба имзо расониданд, ки ба рушди минбаъда ва таҳкими муносибатҳои бисёрҷанбаи Ӯзбекистон ва Покистон нигаронда шудаанд.
Президенти Ҷумҳурии Ӯзбекистон Шавкат Мирзиёев ва Сарвазири Ҷумҳурии Исломии Покистон Шаҳбоз Шариф гуфтушунидҳоро дар формати маҳдуд ва бо иштироки ҳайатҳои расмӣ баргузор карданд.
26 феврал дар Маркази конгресси байналмилалии шаҳри Тошканд маросими ботантанаи истиқболи расмии Сарвазири Ҷумҳурии Исломии Покистон Шаҳбоз Шариф, ки бо сафари расмӣ ба кишвари мо омадааст, баргузор гардид.
