Бино ба маълумот, аз соли гузашта Дар Ӯзбекистон рейтинги устувории соҳибкорон ҷорӣ карда шуд. Ҳоло фаъолияти соҳибкорӣ тибқи 23 меъёри интизоми андоз ва устувории молиявӣ ба таври электронӣ арзёбӣ мешавад.
Бар асоси натиҷаҳо, соҳибкорон ба тоифаи баландтарин AAA (96–100 хол) ва пасттарин D (аз 25 хол кам) ҷудо карда мешаванд.
Ба соҳибкороне, ки рейтинги болоро ба даст меоранд, чунин афзалиятҳо тақдим мегардад:
озод намудан аз санҷишҳои андоз;
баргардонидани андози арзиши иловагӣ бидуни санҷиш дар 1 рӯз;
баргардонидани изофапардохтҳои дигар андозҳо дар 3 рӯз (барои тоифаи А ва аз он боло).
Ҳоло дар система беш аз 552 800 субъектҳои соҳибкорӣ ба қайд гирифта шудаанд. Аз онҳо 2 300 ташкилот дорои рейтинги AAA бошанд, тақрибан 192 000 субъект дар гурӯҳи D қарор доранд.
Соҳибкорони дорои рейтингҳои баланд ҳамасола дар арафаи 20 июн – Рӯзи соҳибкорон бо мукофотҳои давлатӣ ва нишони “Соҳибкори фаъол” қадрдонӣ мешаванд.
Мақоми корхонаро дар ин раддабандӣ тавассути ворид кардани СТИР (рақами мушаххаси андозсупоранда)-и корхона дар веб-сайти Палатаи савдо ва саноати Ӯзбекистон муайян кардан мумкин аст.
