Дар мулоқот масъалаҳои густариши минбаъдаи шарикии стратегӣ бо ширкат бо мақсади рушди куллии низоми идоракунии корпоративӣ дар кишвари мо баррасӣ гардиданд.

«Franklin Templeton» яке аз бузургтарин ширкатҳои ҷаҳонӣ дар соҳаи идоракунии дороиҳо ва пешниҳоди хизматрасониҳои сармоягузорӣ ба ҳисоб меравад. Ширкат зиёда аз 100 дафтари корӣ дар 30 кишвари ҷаҳон дорад. Арзиши бозории он беш аз 12 миллиард доллари ИМА буда, дороиҳо ба маблағи зиёда аз 1,6 триллион доллари ИМА-ро идора мекунад.

Бо «Franklin Templeton» фонди муштараки сармоягузорӣ таъсис ёфтааст. Айни ҳол корҳои марбут ба трансформатсияи корхонаҳои стратегии давлатӣ ва ҷойгиркунии саҳмияҳои онҳо дар бозорҳои байналмилалии фондӣ амалӣ карда мешаванд.

Мувофиқа ҳосил шуд, ки барои рушди иқтидори Биржаи фонди Тошканд кумаки коршиносӣ пешниҳод карда мешавад, ки он таҳкими мустақилият ва шаффофияти ниҳоди танзимгар, таъсиси механизмҳои ҳимояи ҳуқуқи сармоягузорон дар бозори фондӣ, ҷалби кастодианҳои бузурги байналмилалӣ ва ҷорӣ кардани платформаҳои рақамиро дар бар мегирад.

Ҳамчунин, таваҷҷуҳ ба татбиқи барномаҳо оид ба баланд бардоштани самаранокӣ ва баровардани корхонаҳои калони давлатӣ ба бозори IPO қайд гардид.

Қарор аст, ки аз таҷрибаи ширкат барои трансформатсияи корхонаҳои давлатӣ бо таъкид ба баланд бардоштани иқтидори кадрӣ, ҷорӣ намудани стандартҳои «иқтисоди сабз» ва афзоиши самаранокӣ истифода бурда шавад.

Муҳимияти омодасозии ҳамаҷонибаи Рӯзи сармоягузорон, ки моҳи октябри соли ҷорӣ дар шаҳри Тошканд баргузор мегардад, таъкид гардид.