Роҳбари Қирғизистон сарвари давлатамонро бо пирӯзии боварибахшаш дар интихоботи президентии як рӯз қабл самимона табрик гуфт. Тавре зикр гардид, натиҷаҳои овоздиҳӣ далели равшани эътимод ва дастгирии васеи аҳолии кишвар ба сиёсати амалӣ, ки ба таъмини рушди устувори иҷтимоию иқтисодии Ӯзбекистон нигаронида шудааст, мебошад.
Зимни суҳбати телефонӣ масъалаҳои мубрами рӯзномаи дуҷониба баррасӣ шуданд. Алоқаҳои фаъоли байниидоравӣ, ҳамчунин табодули судманд дар сатҳи тиҷорат ва минтақаҳои ду кишвар қайд карда шуд.
1 июни соли равон Консулгарии генералии Ӯзбекистон дар шаҳри Ӯш ба кори худ шурӯъ кард. Ҳаҷми гардиши савдои мутақобила меафзояд, лоиҳаҳои муштарак дар соҳаҳои автомобилсозӣ, энергетика, электротехникӣ ва нассоҷӣ амалӣ мешаванд. Фаъолияти Хазинаи муштараки сармоягузорӣ оғоз гардид.
Дар арсаи башардӯстона омодагиҳо ба баргузории чорабиниҳои Муколамаи наслҳо бо ширкати бузургсолону зиёиён ва ҷавонони ду кишвар идома дорад.
Сарони давлатҳо аҳамияти иҷрои бечунучарои созишномаҳоро дар сатҳи олӣ таъкид карданд.
