Дар маросими имзо инҳо иштирок доштанд: котиби давлатии вазорати ҳифзи муҳити зист ва рушди минтақавии Латвия Эдвинс Балшевич, Сафири Фавқулода ва Мухтори Ӯзбекистон дар Латвия Қадамбой Султонов, сардори шуъбаи робитаҳои иқтисодӣ, савдо ва ҳамкорӣ ба мақсади рушди вазорати корҳои хориҷии Латвия Юрис Шталмейстарс, раиси Corporate Solutions Айгарс Серус, роҳбари NAPA Automotive Умид Абдусатторов.
Созишнома ҷорӣ намудани платформаи технологияҳои таълими электронӣ ва пешниҳоди ҳалли барномавӣ барои таълими электронӣ дар соҳаи амнияти IT, ки ба эҳтиёҷоти бозори маҳаллӣ барои коргарони бахши давлатӣ ва хусусии Ӯзбекистон ва содироти хизматрасониҳои IT аз Ӯзбекистон ба кишварҳои Иттиҳоди Аврупо мутобиқ карда шудааст, пешбинӣ менамояд.
Айгарс Серус зимни вохӯрӣ гуфт: «Мо аз соли 2010 ба ҳайси мушовирони амнияти IT кор мекунем. Дар Ӯзбекистон яке аз ҳадафҳои аввалини шарикӣ мутобиқ кардани ҳалли барномавӣ барои таълими электронӣ дар пойгоҳи платформаи CloudStudy ба ниёзҳои бозори маҳаллӣ дар соҳаи амнияти IT хоҳад буд. Аз ҷумла, мутахассисони ӯзбек барои муайян кардани фаъолиятҳое, ки метавонанд таҳдидҳои фишингро дар бар гиранд, донишҳои ибтидоӣ дар бораи эҷоди паролҳо, истифодаи бехатари шабакаҳои иҷтимоӣ, амнияти маълумоти шахсӣ ва дигар соҳаҳо омӯзонида мешаванд”.
Роҳбари ширкати NAPA Automotive Умид Абдусатторов қайд кард, ки ширкат ба ҳамкорӣ бо кишварҳо ва ширкатҳое, ки аллакай дар татбиқи хидматҳои гуногуни электронӣ таҷриба доранд, инчунин таҷрибаи омӯзиши хадамоти амнияти IT доранд, манфиатдор аст.
