Дар рафти вохӯрӣ меҳмонон бо рушди босуръати иқтисодии кишвар, иқтидори пешниҳоди хизматрасониҳои IT ва аутсорсинг шинос шуданд. Ҳайат инчунин бо ширкатҳои ӯзбекистонӣ барои баррасии имконоти ҳамкорӣ, бахусус, ҷойгир кардани фармоишҳои худ барои коркард аз ҷониби резидентҳои маҳаллӣ мулоқот доир намуд.
Меҳмонон шиносоӣ бо бозори Ӯзбекистонро аз боздид аз Вазорати технологияҳои рақамӣ оғоз намуда, дар он ҷо ба онҳо низоми ҳукумати электронии Ӯзбекистон намоиш дода шуданд. Ба вакилон дар бораи корҳо дар самти рақамикунонии бахши давлатӣ, мушкилоте, ки ҳангоми таҳияи барнома ба вуҷуд омадаанд, инчунин нақшаҳои ояндаи густариши ин система маълумоти муфассал дода шуд. Мушовири ёрдамчии Президенти Ҷумҳурии Тоҷикистон оид ба масъалаҳои ҳуқуқ Холиқзода Ҷонибек рушди рақамии «Ҳукумати электронӣ»-и Ӯзбекистонро қайд намуда, ба омӯзиши таҷрибаи Ӯзбекистон таваҷҷуҳ зоҳир сохта, ба ҳамкориҳои минбаъдаи судманд ва табодули технологияҳо байни ду кишвар Ӯзбекистон ва Тоҷикистон изҳори умедворӣ кард.
Ҳамчунин, намояндагони Тоҷикистон бо тими ширкати IT Park Uzbekistan мулоқот доир намуда, рушди соҳаи технологияҳои иттилоотӣ дар ҳарду кишвар ва ҳамкориҳои дуҷонибаро ҷиҳати роҳандозии лоиҳаҳои муштарак баррасӣ намуданд.
Дастаи IT Park Uzbekistan дар бораи бартариҳои пеш бурдани тиҷорат дар Ӯзбекистон, ислоҳот барои таъмини рушди фаъоли бахши IT ва омодасозии касбии кадрҳои соҳибихтисос муфассал нақл кард.
Аз ҷумла, барномаҳои пуштибонӣ, аз қабили Zero Risk, One Stop Shop ва сабукиҳои андоз барои ширкатҳои тоҷикистонӣ тақдим карда шуданд. Илова бар ин, ба меҳмонон дар бораи иқтидори кадрии бисёрзабони кишвар, ки ба мутахассисони Ӯзбекистон имкон медиҳад, ба сифати аутсорс дар бозорҳои хориҷӣ кор кунанд, маълумот дода шуд. Ин шароит дар байни намояндагони раҳбарони ширкатҳои тоҷикистонӣ таваҷҷуҳи зиёд ба бор овард, ки боиси ҳамкориҳои минбаъда ва таҳкими робитаҳои байни кишварҳо дар соҳаи технологияҳои иттилоотӣ мегардад.
Намояндагони ҳайати Тоҷикистон аз офиси 4 резиденти IT Park Uzbekistan – Mohirdev, Unicon-Soft, Uzinfocom и Fido-Biznes дидан карданд.
Гурӯҳи Mohirdev таърихи пайдоиши маҳсулоти худро муаррифӣ намуда, инчунин пешрафтҳоро дар соҳаи таълими IT, аз ҷумла, Лоиҳаи дарси виртуалиро бо истифода аз ИИ муаррифӣ карданд. Меҳмонон аз Тоҷикистон ба лоиҳаҳои стартапи ӯзбекистонӣ ва имкони мутобиқ кардани он ба бозори худ таваҷҷуҳ зоҳир карданд, ки ин ҳамкории мутақобилан судманд барои ҳарду ҷониб хоҳад буд - Mohirdev аз фурӯши маҳсулоти худ дар Тоҷикистон манфиатдор аст.
Ҳайат инчунин бо мақсади шиносоӣ бо сохторҳои ҳукуматии электронии Ҷумҳурии Ӯзбекистон ба идораи ширкати Unicon-Soft ташриф овард. Дар рафти вохӯрӣ аъзои ҳайат бо як қатор низомҳои аз ҷониби ширкат фароҳам овардаашуда, механизмҳои кори онҳо шинос шуда, ба осон будани истифодаи онҳо баҳо доданд. Инчунин дар бораи ҳамкорӣ ва татбиқи минбаъдаи системаҳо дар Ҷумҳурии Тоҷикистон созиш ҳосил шуд.
Дар ҷараёни боздид аз дафтари Fido-Biznes, ҳайати Тоҷикистон бо лоиҳаҳои ширкати ӯзбекистонӣ дар самти рақамисозии бахшҳои давлатӣ ва бонкӣ шинос шуд. Самтҳои ҳамкориҳои эҳтимолӣ бо резиденти IT Park Fido-Biznes, мавриди баррасӣ қарор гирифта, қадамҳои имконпазири минбаъдаи роҳандозии шарикӣ, ки ба офаридани робитаҳои нави дӯстона ва корӣ байни кишварҳои мо хизмат мекунанд, муайян карда шуданд.
Ҳамкории Тоҷикистону Ӯзбекистон дар соҳаи технологияҳои иттилоотӣ метавонад ҷалби сармояи иловагӣ, таъсиси ҷойҳои нави корӣ ва таҳкими иқтисоди миллӣ гардад. Илова бар ин, ин барои пешниҳоди хадамоти IT аз ҷониби ширкатҳои ӯзбекистонӣ ба бозори Тоҷикистон имкониятҳои нав фароҳам оварда, нишондиҳандаҳои содиротии кишвари моро афзоиш медиҳад.
