Мебелсозӣ шуғли сокинони зиёди халқи Бувайда мебошад. Дар ин ҷо истеҳсоли дару чорчӯба дар устохонаҳои хонагӣ вусъат ёфтааст. Маҳсулоти онҳо на танҳо ба водии Фарғона, балки ба шаҳри Тошканд ва вилоятҳои дурдаст ҳам фиристода мешавад.

Аммо кам будани майдони ҳавлӣ, обу ҳаво ва омили садо имкон намедиҳад, ки истеҳсолот васеъ паҳн карда шавад. Барои фароҳам овардани шароити муосид ба устоҳои бувайдагӣ дар маҳалла комбинати мебелсозӣ сохта шуд.

Сарвари давлат бо шароитҳои дар он фароҳам овардашуда шинос шуд. Дар ин ҷо сехҳои истеҳсолӣ, биноҳои дуошёнаи савдо, намоишгоҳ ва корхонаҳо мавҷуданд.

Президент бо ҳунармандоне, ки дар бинои нав ба кор шурӯъ кардаанд, суҳбат кард.

— Онҳо ба ин рӯзҳо бо машаққат расидаанд. Акнун мо тайёрем, ки камаш ҳар рӯз кор кунем. Фақат ба мо таъминоти устувори ашёи хом ва бозор лозим аст. Агар давлат дар ин бобат кумак кунад, кори ҳунармандон пеш меравад, шогирдонашон зиёд шуда, даромадашон меафзояд, — гуфт Шавкат Мирзиёев.

Супориш дода шуд, ки дар Қароқалпоқистон ва вилоятҳо парвариши дарахтон ҳамчун ашёи хоми саноати мебел, инчунин истеҳсоли маҳсулоти чӯбкорӣ васеъ карда шавад.

Маҷмӯъ ба ғайр аз интиқоли маҳсулот ба бозори дохилӣ, содироти онро ба Қазоқистон, Тоҷикистон ва Қирғизистон ба нақша гирифтааст. Дар назар аст, ки баробари бо иқтидори пурра ба кор даромадани ин маҷмӯъ дар ин ҷо беш аз 3,7 ҳазор нафар кор хоҳанд кард.