Дар доираи Форуми ҷаҳонӣ оид ба нақлиёти устувор, ки рӯзҳои 25-26 сентябри соли ҷорӣ баргузор мешавад, дар Пекин нахустин нишасти вазирони нақлиёт дар формати «Чин - Осиёи Марказӣ» баргузор гардид.
Дар мулоқот масъалаҳои рушди ҳамкориҳои нақлиётию коммуникатсионӣ миёни Чин ва кишварҳои Осиёи Марказӣ, созмон додани долонҳои кӯтоҳу қулайи нақлиёт ва афзоиши ҳамлу нақли транзитӣ баррасӣ шуданд.
Бо мақсади татбиқи муштараки тавофуқоти дар ҷаласаи аввали вазирони нақлиёт дар формати «Чин - Осиёи Марказӣ» ҳосилшуда ва ҳавасмандгардонии ҳамкории фаъоли Чин ва кишварҳои Осиёи Марказӣ дар соҳаи нақлиёт дар доираи «Як камарбанд, як роҳ» меморандуми ҳамкорӣ ба имзо расид.
Агентии Синхуа рӯзи душанбе хабар дод, ки истеҳсолкунандаи мошинҳои барқии чинӣ XPeng дар шаҳри Гуанжоу дар ҷануби Чин ба сохтмони маркази таҳқиқот, таҳия ва тавлиди мошинҳои парвозкунанда оғоз кардааст.
Роҳи оҳани "Чин-Қирғизистон-Ӯзбекистон" дар давоми панҷ сол сохта мешавад. Дар ин бора раиси Девони Вазирони Қирғизистон Оқилбек Ҷапаров зимни конфронси байналмилалии илмӣ-амалии «Рушди тафаккури иқтисодӣ: тадқиқот ва ҳалли онҳо» изҳор дошт.
