Дар ҷараёни мулоқот масъалаҳои ба сатҳи нав бардоштани муносибатҳо миёни парлумони Ӯзбекистон ва Парлумони Аврупо, идомаи мубодилаи афкор, таҷриба ва иттилоот доир ба масъалаҳои муҳими минтақавӣ ва глобалӣ баррасӣ гардиданд.
Зимни суҳбат таъкид шуд, ки баргузории нахустин ҳамоиши “Осиёи Марказӣ – Иттиҳоди Аврупо” дар шаҳри Самарқанд заминаи муҳиме барои таҳкими эътимоди мутақобила ва муколамаи устувор миёни ду минтақа гардид.
Ҳамчунин ба иштироки фаъолонаи намояндагони парлумонҳои кишварҳои Аврупо дар Ассамблеяи 150-уми ҷашнии Иттиҳоди байнипарлумонӣ, ки моҳи апрел дар шаҳри Тошканд бо муваффақият баргузор гардид, баҳои баланд дода шуд. Иттиҳоди Аврупо ҳуҷҷатҳои дар доираи ин Ассамблея қабулгардидаро пурра ҷонибдорӣ намуд.
Тарафҳо омодагии худро ҷиҳати фаъолсозии талошҳо барои идомаи пайвастаи муколамаи сиёсӣ, мубодилаи таҷриба дар равандҳои қонунгузорӣ ва таҳкими робитаҳои байнипарлумонӣ изҳор намуданд.
