Навсозии инфрасохтори нақлиётӣ, густариши иқтидори содиротӣ ва таъмини соҳаҳои иқтисодиёт бо логистикаи устувор аз афзалиятҳои сиёсати давлатӣ ба ҳисоб мераванд.
Дар соҳаи роҳи оҳан ислоҳоти васеъ амалӣ мегардад. Онҳо ба модернизатсияи куллии соҳа, густариши иқтидори истеҳсолӣ ва навсозии зина ба зинаи вагонҳо мусоидат мекунанд.
Аз ҷумла, солҳои 2023–2025 дар доираи лоиҳаи арзишаш 105 миллион доллар 1 590 вагонҳои нимкушодаи боркаш истеҳсол гардиданд. Ин имкон дод, ки табодули мол дар боркашониҳои дохилӣ ва байналмилалӣ афзун гардонда, устувории занҷирҳои логистикӣ таъмин карда шаванд.
Соли 2025–2026 марҳилаи дуюми лоиҳа бо арзиши 150 миллион доллар оғоз гардид, ки ба истеҳсоли вагонҳои боркаш ва мусофиркаш, инчунин навсозии корхонаҳои вагонсозии таркиби Ҷамъияти саҳҳомии «Ӯзбекистон темир йуллари» равона шудааст. Пешбинӣ шудааст, ки 954 вагонҳои боркаш ва 70 вагонҳои мусофиркаш истеҳсол карда шаванд.
То имрӯз дар доираи лоиҳа 45 вагонҳои мусофиркаш ва 340 систерна истеҳсол гардидаанд. То охири ҳамин сол боз 614 вагонҳои боркаш ва 25 вагонҳои мусофиркаш истеҳсол хоҳанд шуд.
Барои боз ҳам зиёд намудани истеҳсоли вагонҳои боркаш дар солҳои наздик, чанде пеш аз ҷониби Президенти кишвари мо қарори алоҳида ба имзо расид. Тибқи ин санад, иловатан 100 миллион доллар ҷудо гардида, интиқоли 1 350 вагонҳои боркаш таъмин карда мешавад. Бо ин мақсад вазифа гузошта шудааст, ки иқтидори корхонаҳои саноатӣ 1,5 баробар зиёд карда, аллакай дар ҳамин сол истеҳсоли 2 ҳазор вагонҳои боркаш ба роҳ монда шавад.
Сарвари давлат ба шахсони масъул дастур дод, ки парки вагонҳо навсозӣ гардида, ҳаҷми ҳамлу нақл зиёд ва хароҷотҳо оптимизатсия карда шаванд.
