Тавре ки Report бо истинод ба ТАСС хабар медиҳад, дар ин бора дар гузорише, ки дар сомонаи Палатаи байналмилалии савдо дар Париж нашр шудааст, гуфта мешавад.

Дар гузориш тақрибан 4 ҳазор ҳодисаи обу ҳаво баррасӣ шудааст, ки дар давраи солҳои 2014 то 2023 рух дода, дар маҷмӯъ ба ҳаёти 1,6 миллиард нафар таъсир расондааст. Тадқиқотчиён ҳам зарари мустақим аз вайроншавии хонаҳои истиқоматӣ, корхонаҳо ва иншооти инфрасохториро ва ҳам таъсири обу ҳаворо ба самаранокии меҳнат ба назар гирифтанд.

Тавре дар ҳуҷҷат омадааст, "танҳо дар ду соли охир зарари иқтисодии ҷаҳонӣ ба 451 миллиард доллар расид, ки ин назар ба 8 соли қаблӣ 19 фоиз бештар аст."

"Маълумоти даҳсолаи охир нишон медиҳад, ки тағйирёбии иқлим мушкили оянда нест: коҳиши самаранокии меҳнат бо сабаби ҳодисаҳои шадиди обу ҳаво ба иқтисод аллакай таъсири манфӣ мерасонад," - изҳор дошт Дабири кулли палата Ҷон Дентон.

Ин таҳқиқотро ширкати машваратии Oxera гузаронидааст, хабар медиҳад report.az.