Дар ҷараёни суҳбат ислоҳоти дар Ӯзбекистон ҷараёндошта, тағйироти мусбат дар ҳаёти давлат ва ҷомеа, инчунин масъалаҳои рушди минбаъдаи ҳамкориҳои стратегӣ байни Ӯзбекистон ва ИМА муҳокима шуданд.
Дар мулоқот самтҳои ояндадори тавсеаи ҳамкориҳои тиҷоратию иқтисодӣ, мубодилаи таҷриба дар соҳаи кишоварзӣ ва татбиқи лоиҳаҳои сармоягузорӣ баррасӣ шуданд. Ҳамчунин, оид ба таҳкими ҳамкорӣ дар соҳаҳои энергетика, маориф, тандурустӣ, таъмини ҳуқуқи занон ва баробарии гендерӣ табодули назар сурат гирифт.
Ҷонибҳо масъалаи таъсиси гурӯҳҳои дӯстӣ ва баргузории муколамаи байни минтақавиро баррасӣ намуда, нақши муҳими дипломатияи парлумониро дар таҳкими равобити байнидавлатӣ таъкид карданд.
Дар натиҷаи мулоқот ба мувофиқа расиданд, ки ҳамкориҳои байнипарлумонӣ ва робитаҳои дуҷониба минбаъд густариш дода мешаванд.
