Дар вохӯрӣ роҳбарон ва намояндагони ширкатҳои сӯзишвориву энергетикии ду кишвар иштирок намуданд.

Таъкид гардид, ки ҳамкориҳо миёни Ӯзбекистон ва Тоҷикистон, ки бо ташаббуси сарони давлатҳо Шавкат Мирзиёев ва Эмомалӣ Раҳмон оғоз гардидааст, дар ҳамаи соҳаҳо, аз ҷумла дар бахши энергетика, босуръат рушд меёбанд.

Дар ҷараёни музокирот ҷонибҳо доираи васеи масоилро, ки ба ҳамоҳангсозии низомҳои энергетикӣ дар мавсими тирамоҳу зимистони солҳои 2025–2026 вобастаанд, баррасӣ намуда, ҷиҳатҳои техникии марбут ба лоиҳаи дубора пайвастшавӣ ба низоми ягонаи энергетикии Осиёи Марказиро муҳокима карданд.

Дар поёни мулоқот ҷонибҳо аз сатҳи бадастомадаи шарикӣ изҳори қаноатмандӣ намуда, омодагии худро барои таҳкими минбаъдаи муносибатҳои бародарона ва стратегӣ ба манфиати халқҳои ду кишвар таъкид карданд.