Дар ҷараёни гуфтушунидҳо масъалаҳои ҳамкориҳои тиҷоративу иқтисодӣ, лоиҳаҳои ҷорӣ ва ташаббусҳои пешомаднок байни ду кишвар муҳокима гардиданд. Ба лоиҳаҳои муштараки оянда дар соҳаи кишоварзӣ таваҷҷуҳи махсус зоҳир карда шуд.
Дар мулоқот ҳамкориҳо дар соҳаи пахтакорӣ ва тухмипарварӣ таҳлил гардида, нақшаҳои минбаъдаи ҳамкорӣ баррасӣ шуданд. Масъалаҳои ташкили семинарҳои муштарак бо иштироки мутахассисони ҳарду кишвар ва густариши имкониятҳо барои мубодилаи таҷриба мавриди муҳокима қарор гирифтанд.
Ба масъалаи содирот ва воридоти маҳсулоти кишоварзӣ таваҷҷуҳи алоҳида дода шуд. Таъкид гардид, ки зарур аст аз иқтидори мавҷуд ба таври васеъ истифода намуда, самтҳои нави ҳамкориро рушд дод. Ҳамчунин, оид ба масъалаҳои механиконии кишоварзӣ, аз ҷумла истеҳсол ва содироти техникаи кишоварзӣ табодули назар сурат гирифт.
Дар поёни мулоқот вазир Иброҳим Абдураҳмонов омодагии худро барои тавсеаи ҳамкориҳои дуҷониба тасдиқ намуда, ба шахсони масъул супориш дод, ки барои татбиқи амалии нақшаҳои пешбинишуда шурӯъ намоянд.
