Ширкати "TPP" соли 1997 бо мақсади баланд бардоштани самаранокӣ ва стандартҳои системаи тандурустии Британияи Кабир таъсис ёфтааст, як қатор маҳсулоти нармафзори тиббиро барои пешбурди рақамикунонӣ дар соҳаи тандурустӣ, аз ҷумла алоқаи байни беморхона, духтур ва бемор таҳия кардааст. Нармафзори "TPP" аз ҷониби беш аз 25 муассисаи бузурги тиббии Британияи Кабир, 14 ҳазор ташкилоти тиббӣ ва беш аз 300 ҳазор табибон ва ҳамшираҳои шафқат дар саросари ҷаҳон истифода мешаванд, хабар медиҳад АИ "Дунё".

Дар рафти мулоқот имкониятҳои ҳамкорӣ бо "TPP" оид ба рақамикунонии соҳаи тандурустӣ дар саросари Ўзбекистон ва минбаъд ҳам беҳтар намудани саломатии аҳолии мамлакат мавриди муҳокима қарор гирифтанд.

Ҷониби Бритониё қайд кард, ки нармафзори "TPP" барои ҳар як пизишк ё бемор фардӣ буда, самтҳои ҳалли мушкилоти саломатӣ, баланд бардоштани самаранокии табобат, пешниҳоди машваратҳои тиббӣ ва таълим дар асоси далелҳоро дар бар мегирад.

Дар фарҷом дар мавриди густариши мулоқоту сафарҳои дуҷониба дар оянда бо ҳадафи боз ҳам суръат бахшидан ба ҳамкориҳо дар ин самт тавофуқ ҳосил шуд.