Бо супориши Президенти Ҷумҳурии Ӯзбекистон Шавкат Мирзиёев ба Афғонистон кумаки гуманитарӣ дар шакли маводи ғизоии асосӣ ва доруворӣ, инчунин ташкили муоинаи ройгони тиббӣ фиристода шуд, хабар медиҳад хизмати матбуоти ҳокимияти вилояти Сурхондарё. Барои ин мақсад ба Афғонистон қатораи тиббӣ-санитарии «Саломатлик», ки аз 9 вагон иборат аст, фиристода шудааст.
Гуфта мешавад, ки ин кумаки башардӯстона дар асоси дархости ҳукумати Афғонистон дар робита ба мусоидат дар ташкили муоинаи ройгони тиббӣ аз ҷониби табибони Ӯзбекистон анҷом дода мешавад.
Илова карда мешавад, ки интиқоли борро ҳокими вилояти Сурхондарё Улуғбек Қосимов, намояндагони вазоратҳои нақлиёт ва корҳои хориҷӣ, инчунин ҶС «Ӯзбекистон темир йуллари» таъмин намуданд.
