Ин санади байналмилалӣ яке аз конвенсияҳои афзалиятноки СБМ ба пешгирии ҷароҳати тасодуфӣ, бемориҳои касбӣ ва марг дар ҷои кор мебошад.
Директори генералии СБМ Гай Райдер варақаи ратификатсияшударо гирифта гуфт: "Ман хушбахтам, ки имконияти истиқбол намудани Ӯзбекистонро дорам, ки ҳоло он ба Конвенсия № 187-и аз ҷониби 55 кишвари узви дигар ратификатсияшуда ҳамроҳ шуд". Ҳамин тариқ, ҷумҳурӣ бори дигар пайравии худро ба ҳадафи пайваста ва бемайлон беҳтар намудани бехатарӣ ва ҳифзи меҳнат бо мақсади пешгирии садамаҳо дар ҷои кор ва бемориҳои касбӣ дар машварат бо шарикони иҷтимоӣ тасдиқ мекунад. Ин хусусан дар давраи нооромии ҷаҳонӣ, ки бо пандемияи COVID-19 алоқаманд аст, муҳим аст".
Раҳбари созмон ҳамчунин қайд кард, ки тимсоли Ӯзбекистон дар ҳамкорӣ бо СБМ ва таъмини стандартҳои баландтарин дар соҳаи меҳнат ва шуғл барои кишварҳои дигар нишондиҳанда аст. Гай Райдер ба таҳияи Стратегияи миллии шуғл аз ҷониби ҷониби Ӯзбекистон баҳои баланд дод. Ин ташаббус дар рафти мулоқоти Президенти Ӯзбекистон бо Директори генералии СБМ дар Тошканд дар соли 2018 баррасӣ шуда буд. Ин барои Ӯзбекистон ҳуҷҷати бунёдӣ буда, асосҳои рушди низоми меҳнатро дар пешомади дарозмӯҳлат -- то соли 2030 мегузорад.
Ба ғайр аз ин, ба фаъолияти Комиссияи миллӣ оид ба мубориза бар зидди савдои одам ва меҳнати маҷбурӣ, ки раиси Сенат Танзила Норбоева роҳбарӣ мекунад, баҳои мусбат дода шуд.
Натиҷаҳои Конгресси Шӯрои федератсияи иттифоқҳои касабаи Ӯзбекистон, ки дар кори он Гай Райдер иштирок кард, ба таври мусбат қайд шуданд, хабар медиҳад АИ "Дунё".
Дар баробари ин, Созмони байналмилалии меҳнат манфиатдории Вазорати шуғл ва муносибатҳои меҳнати Ӯзбекистонро ба ҳамроҳ гардидан ба Алянси ҷаҳонӣ оид ба решакан кардани меҳнати маҷбурӣ, ғуломии замонавӣ, савдои одам ва меҳнати бачаҳо -- "Алянси 8.7", ки СБМ роҳбарӣ мекунад, маъқул донист. Ин иқдом саъйҳои глобалиро оид ба решакан кардани меҳнати маҷбурӣ, инчунин барҳам додани ғуломии муосир ва хариду фурӯши одамон, манъ ва паҳншавии шаклҳои бадтарини меҳнати кӯдакон таъмин хоҳад кард.
Дар ниҳояти вохӯрӣ дар бораи аз ҷониби Созмони байналмилалии меҳнат расондани кӯмак ба шарикони ӯзбекистонӣ дар татбиқи амалии қоидаҳои Конвенсия 187 ва дастурҳои дигари СБМ, ки Ӯзбекистон иштирокдори он мебошад, созиш ҳосил шуд.
